老公解禁無限感激 Kay落重鞋油讚志雲
謝安琪（Kay）老公張繼聰因陳志雲復職而獲解禁，火速亮相《勁歌》，為感激恩人出手相助，Kay好話說盡，更公開大讚陳志雲乃公司的福將，全能員工。
謝安琪、張敬軒、林海峰、葛民輝及當壓軸的林憶蓮前晚齊演出「麥當勞愛心童樂日2010音樂會」，而梁靖琪和男友十指緊扣到場，並大方合照。
Kay被問到有傳無綫總經理陳志雲復職是為離職鋪路，她說未有所聞。問她可有期望對方留任？她學老公張繼聰說：「佢（陳總）去到邊度做，都係公司嘅福氣，佢能幹、做嘢夠落力、上心，係一位好有魅力嘅員工。」
軒仔擬半山置業
有謂被封為「志雲派」的張繼聰，因陳總翻生令他火速亮相《勁歌金曲》節目，她詐傻問：「係咩？咁啱啫。」問她可有覺得是好事？她口快快說：「係o架……，我都冇乜留意囉。」
軒仔欲趁政府出招壓抑炒樓風的優勢，計劃在天后的半山區置業自住。至於會否考慮和緋聞密友關智斌（Kenny）或緋聞女友王菀之夾份買樓，他指兩人都不是理想選擇：「我個人好奄尖，屙尿唔可以整濕廁邊。（有兩個廁所咪得囉。）考慮吓。」有指Kenny常不在港，和他買樓有着數，軒仔就爆Kenny「算死草」：「一個仙都呃佢唔到，有次佢畀隻股票我買，賺咗幾萬蚊，竟問我攞回佣。」
軒仔得知Kenny將剃頭拍大陸戲，他十個贊成：「仲靚咗，十個光頭九個富，佢要影剃頭相留念，仲係唔着衫嗰隻。」
林海峰（Jan）和葛民輝以「軟硬天師」之名演出，但Jan指阿葛連唱四首歌，體能已到極限，故宣布收山，短期內不會再重組「復出」。
採訪：音樂組