小方怕死唔敢帶Stephy跳槽
鄧麗欣（Stephy）昨日出席新城活動，最近有傳她去方力申屋企對面睇樓，Stephy澄清：「唔係睇樓，大家住附近，做咗鄰居成年。（小方畀意見？）佢話呢區靜啲，自己鍾意靜嘅地方。」有指他們公開戀情撼「陳蔡戀」，Stephy沒好氣說：「唔關事，感情唔刻意講。（小方係好男友？）佢係好男仔。」
而小方和梁漢文（Edmond）昨日出席「愛心相連大行動」，小方否認帶Stephy離開金牌：「我即刻同公司解釋，雪我就弊！」又自爆兩人常傳結婚，連朋友都信以為真。另第５年擔任榮譽大使的小方勁擦同場的Edmond鞋說：「好開心同金牌一哥合作，身價即刻提升。」笑到見牙唔見眼的Edmond大讚：「有前途。」
