何韻詩捧祖兒場心驚驚
何韻詩日前毫不避嫌到容祖兒（Joey）演唱會捧場，問她打算睇幾多場？阿詩說：「盡人事啦，睇個騷睇到好心驚膽跳，好多高難度動作，冇安全帶又升到咁高，真係睇到好驚，（火辣場面會惹起醋意？）冇，幾希望交換位置，（同班dancers交換？）黐線，我想做個台呀！」她表示睇過Joey過去多次的演唱會，見證對方的成長，她說：「知佢練得好辛苦，真係有血有淚，最後聽佢唱首慢版《越唱越強》，真係好感動，我都有啲想喊！」
另外，一向跟港台不咬弦的阿詩對於銳哥狂轟港台蠱惑，她笑言：「咁快啲加入光明會啦，我冇follow呢單新聞，遊戲一場，大家放鬆啲啦！」