盧海鵬感同身受嗌冇癮
之前在亞視節目巡禮上炮轟無綫的盧海鵬，對黃日華的怒吼感同身受，並指對方當年已因制度問題鬧爆無綫，和他一樣早年亦因合約改制，所以劈炮「唔撈」。鵬哥說：「有乜出奇，黃日華以前都係咁火爆啦，嗰時佢鬧無綫制度唔好而走嘅，我都係到無綫改合約制度，唔啱咯咪走囉，我都同黃日華一樣咁無癮！」
曾炮轟無綫的05年落選港姐袁彌明說：「無綫一向都係咁，好多前輩最初都係畀佢哋求返去拍劇，初初好有誠意，點知到頭來一肚氣，我都見唔少呢啲不公平事情。難怪黃日華咁嬲，兩個都係台慶劇，但一個谷到行、另一個幾乎無宣傳。離開咗就唔好諗住返去，否則預咗受氣！」