宣萱撐拍檔贏盡少女心
《刑》劇女主角宣萱未被邀請出席台慶，但她卻睇化：「預咗啦！一早同華哥提過，近呢幾年係唔同咗，有啲嘢心照，演員做好本分，有觀眾接受已經好滿足，可能佢離開咁耐唔知啦！佢係好演員，如果唔做好可惜，佢好努力，唔受重視係幾冇癮！公司都應該公平啲，其實個劇好多支持者，我做Facial時不乏後生女話睇華哥、三哥嚟送飯，證明佢哋好得少女心！」
而《刑警》女主角之一的胡定欣，得知黃日華開火轟TVB，有意打圓場說：「華哥真係好鬼馬，佢咁講其實別有用心，想用呢啲激進方法為個劇宣傳。（會唔會約佢出嚟食飯安撫下？）其實我哋劇中演員私底下感情好好，每次外界對個劇有好反應就約出嚟食飯！」胡定欣表示將出席台慶頒獎禮。
