明星快拍：農夫遇靚景隨意影
圈中不少藝人平時相機不離身，去到邊影到邊。雖然組合農夫熱愛影相，不過C君和陸永的拍照技巧差天共地。C君對拍照略有研究，但自言不是專業。至於經常將自拍照放上微博的陸永，原來不懂拍攝技巧，平時多數用iPhone玩自拍。
C君坦言很欣賞《怪誕城》中的卡通人物Jack造型。他說：「我好鍾意Jack架！之前做萬聖節工作，見到佢坐喺南瓜度，真係型爆。」
早前陸永到迪士尼工作，被城堡的夜景迷倒，他說：「我好鍾意欣賞夜景，咁啱去迪士尼做嘢，見到個城堡上面放煙花，咁靚梗係要影張相啦！」
很鍾意小朋友的C君說︰「小朋友咁得意，有邊個唔鍾意呀？嗰日請咗個小妹妹拍MV，佢眼仔睩睩喺度爬好可愛，所以就拍低，希望畀自己嘅小朋友睇。」
雖然陸永不太擅長攝影，不過看到靚景必影相留念。他謂︰「嗰日凌晨上山拍MV，有幸可以睇到日出，平時喺電視就見得多，估唔到親眼睇到真係好靚。」