William曲線讚阿Sa着乜都性感

William與鄭明明昨日出席活動，明日生日的他透露今日將為電影《出軌的女人》煞科，屆時各人將為他與拍檔夏文汐提早慶祝生日，William表示會為夏文汐送上「性感」禮物，他說：「揀咗份禮物可以襯托佢嘅性感。（內衣？）係晚裝，冇試過買內衣畀朋友。（送畀女友阿Sa？）冇試過，如果有嗰種味道，着咩都性感，今年係一齊之後第一個生日，唔好嚇親佢，送啲健康少少嘅嘢。」

爆G.E.M.小富婆

William表示阿Sa已送上皮袋作其生日禮物，至於William為本月22日（下周一）生日的阿Sa準備甚麼禮物？他說：「係秘密，講心唔講金，21日喺成都工作，希望22日趕到返嚟陪佢。」

近日有傳William好友G.E.M.（鄧紫棋）與緋聞男友林宥嘉鬧情變，William表示未有聽聞，問他可有慰問G.E.M.？他說：「如果佢有需要會自己搵我。（知你忙拍拖唔煩你？）我忙工作，都冇乜時間拍拖。」他又大爆G.E.M.是個小富婆，好識理財。

陳偉霆未肯透露為阿Sa準備甚麼禮物，但表明「講心唔講金」。（資料圖片）

陳偉霆希望在下周一趕返港陪阿Sa度生辰。

阿嬌生日過到淡

此外，阿Sa的好姐妹鍾欣桐（阿嬌）昨日接受新城訪問宣傳剛推出的新碟，將到內地拍劇的阿嬌表示未能為阿Sa慶祝生日，而將於1月21日生日的她會否返港慶祝生日？阿嬌坦言：「要過埋農曆新年先拍完，唔會啦！（同公司請假？）唔好啦，好過分，上年都係咁，都過咗咁多年生日都淡啦，冇所謂！」她表示會靠意志克服寒冬，不會再像去年冬天，在內地拍劇變得暴肥。

文：專案組