陳法拉唔介意男友已婚

陳法拉與太子男友薛世恒感情穩定,正當被懷疑二人是否已結婚時,薛世恒突然被爆曾結過婚,但法拉繼續維護,並揚言早知道不介意也包容男友過去。

法拉昨與梁政珏出席活動,剛有報道指其男友、Neway太子爺薛世恒曾於十八歲時在澳洲與女同學結婚,法拉即被追問,但她大方承認有此事:「呢件事我都知,(做咗第三者都唔知?)唔係呢樣嘢,呢啲係好私隱嘅嘢,明白到每個人都有過去有歷史,已經係十幾年前嘅事,(仲有照顧前妻?有冇問過點解咁早結婚?)好私人嘅嘢我唔逐一回應喇,(欣賞佢坦白?)兩個人一齊一定要坦白,唔單止係開心事,大家應互相包容同承擔,(唔介意?)早知件事,唔介意。」

對於又被重提她已於○八年跟男友結婚,法拉笑謂每逢過時過節、台慶或有劇集出街,都有這種傳聞、是非,記者笑問她是否現任妻子,法拉笑說:「唔係!總之佢係好人,(咁快啲結婚?)承你貴言啦,但都要睇天時地利人和。」

梁政珏性感收貴啲

同場的梁政珏性感出席露出事業線,成功搶鏡,記者笑她「胸贏」法拉,她說:「唔好咁講,件衫係大會安排,經理人都睇過,亦都冇刻意諗過走性感路線,(唔吝嗇身材?)最緊要性感得健康,我有性感底線,泳衣騷可以但唔會接內衣騷,(性感收貴啲?)要問經理人至知。」

文:影視組