陳靜見面唔使錢飯局倒貼

陳靜（DaDa）時有聽聞女藝人獲邀出席飯局的傳言，她說：「都唔知係真定係假，總之自己從來冇被問過價。」陳靜稱當然有出席飯局，但只限朋友間，沒有錢收之餘還多數貼錢，她說：「飯局梗係有去啦，成日同朋友食飯o架啦，不過唔單止冇錢收，仲多數係我請食飯添。（咁咪倒貼？）唔緊要啦！」

成為炙手可熱的性感o靚模，陳靜被問到有否被邀出席富豪飯局？她說：「真係從來冇人問過我飯局價喎，大家都可以慳番啖氣，唔使打去我公司問啦，我對公司好有信心，公司唔會做呢啲嘢。」她笑言只有問其騷價才無任歡迎，更說聖誕及新年將至，希望接多些騷，搵多些錢，同時自誇抵用：「大家如果想見我就去我出席嘅event啦，唔使畀錢o架！」

不求富貴男友

拒絕飯局之外，陳靜更不希望找有錢男友照顧，因為拍拖不會考慮對方家底，她說：「我覺得兩個人相處最緊要係啱key同埋有feel，作為女仔應該要經濟獨立，使自己辛苦搵番嚟嘅錢，先至使得開心同埋有滿足感。」

文：影視組