羅寶文賀好友擺慶功宴
社交名人羅寶文昨晚於尖東為好友陳志雲設宴慶功，吸引不少傳媒採訪，而寶文一早到場打點，志雲則於晚上九時許現身，問到是否前來慶功？心情大好的他謂：「食飯啫！多謝大家，（本周五去唔去台慶？）會去，（鬆一口氣？）今日已經交代咗，第日先再同大家分享工作安排啦！」據知有份出席飯局的尚有古巨基及王喜。
此外，羅寶文昨以樂施大使身份出席樂施毅行者記招，透露前晚已獲悉好友陳志雲復職一事，很戥對方高興，她說：「佢已經準備好，咁多個月嚟都冇『啤』到，將來如果有人遇到困難，佢可以用自己嘅經歷幫助和鼓勵別人。佢成日掛喺口邊話好感恩，好感謝身邊人、老闆和朋友，佢有好多fans o架。」她又對志雲讚不絕口，指對方做事積極，思想正面，又愛做慈善，經常幫助人永無托手(月爭)。
