廖碧兒避談陳總：咩叫舊帳

自志雲「涉貪案」被停職後，無綫即分兩大黨派，挺雲派繼續默默支持，而部分為其鞠躬盡瘁的愛將卻立即現形，為求生存不惜轉投另一碼頭，愛將崔建邦轉捧樂易玲，還加入教會當信徒，及後與志雲同場現身時，即忘記舊情拒影合照。與志雲關係不俗的廖碧兒，亦被指趁他被廉署起訴時劃清界線，如今志雲高調復工，兩派別人心情絕對差天共地。

據知無綫部分高層對志雲今次的「復工歡迎會」有不同睇法及意見，當中更有相反意見，鑑於整件事由六嬸方逸華親自策劃及指示，故即使有不同意見，但為了面面俱圓，也「做戲做到足」，於會上表現興奮及積極，實情眾人已預料公司稍後會有一場大風暴來臨。

崔建邦	陳志雲換上一身便服，單拖到來。

證明用人勿疑

當日揚言賣樓也要幫志雲的王喜，聞得老友復工當然興奮非常，直言復工證明無綫乃「用人勿疑，疑人勿用」，更指暫未有慶祝活動，他謂：「等佢收工後睇下有咩打算，我隨時standby，（會唔會約食飯？）前晚同佢食咗，（會唔會陪佢返電視城？）陳生復職後佢就係總經理，我只係演員，河水不犯井水，工作以外就係識咗十幾年嘅朋友，關係唔會變，（依家唔使賣樓畀佢打官司？）最緊要都係陳生啫！」

王喜守得「雲」開興奮，足證無綫「用人勿疑，疑人勿用」。	唐詩詠	鄧健泓

之前因為與崔建邦拍拖而與陳志雲熟稔的唐詩詠，昨晚回應說：「從工作人員口中得知呢個消息，佢（陳志雲）復職都係一個好消息，期待喺工作上再合作。我全日都忙開工，未有時間SMS佢，遲啲再傾，唔會諗咁長遠嘅嘢。」而崔建邦至截稿前仍未有回應。

人哋私事唔理

至於反志雲派的廖碧兒，昨日現身公開活動時，坦言不知志雲復工，更指作為旗下員工，預料日後也會接觸，問到是否歡迎對方回歸？碧兒似有所迴避謂：「最重要身體健康，呢排轉天氣壓力大，（官司未完復工，覺唔覺得有影響？）唔係好清楚，（你同佢劃清界線？）人哋寫冇辦法，做呢行就預咗，做好本分囉！冇需要同佢解釋，人哋私事唔會參與太多，（驚唔驚志雲復工翻舊帳？）咩叫舊帳？（同樂易玲定志雲熟啲？）都係公司人，大家都一樣，會祝福佢。」

當日被指反骨的鄧健泓，未知是否預料傳媒會找他，故昨晚至截稿前還未聯絡上，至於與志雲關係變得疏離的馬浚偉則謂：「戥志雲開心，支持明智嘅決定，祝佢一切順利，（會唔會聯絡？）平時都有電話同短訊聯絡嘅。」

文：影視組