雯女 ：我攞視帝皆大歡喜
今年無綫視帝視后之爭十分激烈，當鬥個你死我活之際，陳志雲歸位，令台慶頒獎禮再起風雲，去年曾有傳非無綫親生仔女的黎耀祥與鄧萃雯，因陳總力撐才能順利奪獎，如今志雲回歸，祥仔、雯女冧莊機會大大提高！
一班候選視帝視后對於頒獎禮添變數一事不願多作回應，反而高興陳總回歸，祥仔望陳總工作順利開心，繼續帶領大家，至於是否適合時間？祥仔說：「公司安排得應該冇問題，老闆考慮到。（佢回歸，你攞視帝信心大啲？）唔知，未必有影響，每年評審啲人都唔同，都要睇觀眾嘅支持最重要。」
昨有內地消息指佘詩曼指跟雯女爭視后壓力大，希望取消無綫頒獎禮，阿佘澄清說：「我唔係叫取消，係話頒獎禮令大家都好大壓力，最好唔好搞。（視后有冇勝算？）順其自然。」雯女對阿佘的「壓力論」則表示對壓力習以為常，至於視帝視后添變數之說，雯女說：「唔係我要諗嘅事，我冇派系。其實祥仔、陳豪、林峯都唔好爭，畀咗我算啦，好多人都話鄭九妹好man，視帝頒畀我，視后頒畀阿佘咁咪皆大歡喜！」
林峯對志雲復工不表意外，因之前已傳出消息，祝福他將不快一掃而空！對頒獎禮添變數，林峯沒想太多，能否出席台慶仍是未知數。