樂易玲:台慶前喜事

陳志雲復職,昨早十時參與無綫高層會議,他由副行政主席梁乃鵬帶領下亮相,並向所有高層說:「好對唔住大家,呢幾個月帶畀大家咁多麻煩。」全場即時拍手歡迎,令到陳總非常感動。

無綫製作部總監何麗全對陳志雲復職同樣開心:「有個咁熟電視嘅人處理職務,佢係我哋直屬上司,有佢喺度方便啲。」講到再次和陳志雲開會,何麗全說:「始終隔咗一段時間,佢都要睇番過去工作情況。(官司未完喎?)呢啲公司安排囉!(陳志雲會否再做幕前,例如台慶任主持?)新聞稿都講咗,而台慶啲嘢都定咗,佢唔會參與,至於節目內容嘅嘢我要搵監製同佢匯報番。」

無綫製作資源部總監樂易玲對陳總復工,表示早已知情:「其實佢復工比預期遲咗,呢件係一件好事,台慶前再有一件喜事。(志雲復工暫唔需要管經理人部門?)今日開會梁乃鵬都有講,暫時有關藝員嘅事,直接向方小姐匯報,藝員部工作一切如常,我會努力做好。(陳志雲會否參與頒獎禮評審?)我都只係被邀請擔任評審之一,未收到通知陳總有冇份。」

想跟阿叻一同切磋賽馬心得,立即登記參加「靈活至叻爭霸戰」啦!