Amanda識同男人deal多得老竇教路
名模Amanda S.早前親自為慈善而設計獨特風格的熊仔，更指熊仔公仔給她不少甜蜜戀愛回憶。她直言父親是其戀愛軍師，愛情路上得他指點，所以她眼中男友更是最完美的男人。
身為獨生女的Amanda，自小已視熊仔為知己伴侶，笑言小時悶得要對着空氣說話，自媽媽送她熊仔後，她事無大小也告訴這隻熊仔，她說：「就算熊仔污糟或爛咗，我都唔捨得棄掉，親自縫補番。後來好多男仔追我都送熊仔，更是多到唔捨得掉，我就將啲熊仔轉贈畀老師，氹佢話自己特登買畀佢，哈哈哈！」
難忘熊仔約會
而最令Amanda難忘的是有個男仔揸架載滿玫瑰花的開篷車來約會她，她說：「仲送咗一隻高過我嘅熊仔，雖然我唔鍾意佢，但令我明白追求過程中做到最好，令對方一世都會記得自己。」
要識尊重自己
將於明年結婚的Amanda，表示感激父親作其愛情軍師。「爸爸教識我點樣deal with男人，對方要尊重自己，否則幾好都冇用。世上冇完美嘅人，唔好要求對方滿足自己要求，開心係自己調節。男友好細心，凡事都會替我着想，佢perfect for me已經足夠。」
愛熊仔公仔如命的Amanda，最近參與古巨基和護膚品牌Kiehl's合作以北極熊母子為主題打造的「古巨基愛心熊出沒」活動，親自以「Jolie Amour」為題設計熊仔，及送上「May Love Watch Over You」的祝福。
文：名人組