阿Sa生日要食蟹玩謝男友

阿Sa前晚出席「雪國夢幻之旅聖誕亮燈儀式X蔡卓妍《Beauty Remains》簽唱會」活動，吸引五百歌迷圍觀及簽名。大會將阿Sa和William的戀情擺上枱，除事前張揚William將於同一場地搞活動外，又送上一對企鵝公仔，祝她甜蜜、開心，到玩遊戲時，大會邀請一男一女小朋友上台，和阿Sa齊齊炮製聖誕花，主持又要男孩獻吻，當阿Sa得知男孩自稱叫William時，即尷尬到以手遮面，後來她又大方的說：「唔介意，冇法啦，個名（William）咁普通。」

主動會情郎

阿Sa和William分別於本月22及21日生日，問她可望一齊慶祝？她坦言想，但要返大陸趕戲，希望屆時有假放，可惜William生日當天要飛成都工作。問她可會飛往成都會男友？阿Sa直言：「如有時間都會。」

阿Sa不諱言已想定了男友的生日禮物，問她可送自己給William？她嬌嗲說：「點送呀？諗吓先，唔好逼我。」她承認第一年拍拖過生日別具意義，禮物上要花點心思。問她可有特別想要的禮物？她竟然說：「我想食大閘蟹，食過一次就日日都掛住。」她又表示恨和William去旅行，希望遊覽希臘或歐洲較浪漫的地方。

大會安排小男孩William向阿Sa獻吻。

阿Sa辦簽唱活動，又邀歌迷上台玩遊戲。

想大搞派對

阿Sa認為既然承認拍拖，亦有可能公開一齊搞生日會，不過昨晚William出席另一公開活動時，卻稱生日想低調，並已準備健康產品作為女友的生日禮物，雖然生日要開工，但既然阿Sa想齊慶祝，他亦會盡量抽時間相陪。

有此一着

阿Sa為配合聖誕節的活動主題，特別穿上一件Magenta品牌的黑色通花喱士上衣，透出雪白肌膚，性感中又夠型格，而下身則穿上一條屬Keis品牌，充滿節日氣氛的紅色長褲，至於她的黑色高跟鞋是ROCOCO的出品，是今年最流行的款式。

採訪：音樂組