Theresa小方相逢拒送祝福
過氣緋聞男女方力申和傅穎（Theresa）昨晚同場現身，Theresa拒當面恭喜小方跟死敵鄧麗欣（Stephy）公開戀情，還死口否認怕有人打爛醋埕。
方力申、Theresa、汪明荃、陳志雲、陳寶珠、趙雅芝、傅明憲、吳雨霏、官恩娜、鍾舒漫、詩雅、洪金寶、高麗虹等昨晚出席活動，問Theresa知否「死敵」Stephy跟小方公開戀情？她即幫Stephy對號入座說：「好戥佢開心。（你同小方都傳過緋聞？）煲水嘢，唔知點解會傳，依家圈中好多人公開戀情，瀰漫sweet，我都好想拍拖，但事業為重。」
尷尬碰頭
見到小方會否恭喜他？Theresa說不會：「你哋幫我恭喜啦。（咁避忌怕有人呷醋？）唔關事。（早知佢哋拍拖？）人哋感情事唔講。（會問小方點解鍾意Stephy？）我唔八卦。」說罷小方即出現，兩人應要求合照，Theresa尷尬笑一笑，相反小方就表現較大方，兩人影完即彈開，全程沉默是金。
40歲結婚
小方透露稍後去橫店拍戲搵「人仔」，記者笑他搵老婆本？他說：「未有咁快，仲後生未諗結婚，40歲先啦。」而有線主播余思敏被問到跟男友的發展？她說：「OK啦，都係咁。」受官司困擾的陳志雲亦到場，他見到陳寶珠即又攬又錫，記者叫他時卻充耳不聞，離去時還箭步上車閃人；另趙雅芝獲fans送生日歌祝賀，令她十分開心。
文：音樂組