MC Jin被爆好事近
Rapper歐陽靖（MC Jin）、農夫成員C君及王敏德（Michael）昨日出席公開活動，C君接受訪問時踢爆MC Jin快將跟女朋友拉埋天窗，更鼓勵對方積極「造人」，MC Jin不置可否說：「咁同一個人拍拖咁耐，大家都係認真就會諗，（求婚未？）唔使擔心，有咩事發生我會寫落隻歌度，大家留意啦！」而C君坦言跟現任女友感情穩定，希望兩年內結婚。
Michael表示於美國讀書的大女將於聖誕節返港一家人慶祝，他表示：「大女今年十月去美國讀書，放低佢自己一個真係好心痛，依家慢慢習慣。」問到女兒的感情生活，Michael笑言曾經見到細女同一位男士玩視像對話，他說：「我問係唔係boyfriend，我仲介紹自己，叫個男仔認住我！」