陳豪難學秋官冧招

陳豪、鄭少秋（秋官）及邵美琪昨日出席劇集《心戰》拜神活動，一頭銀白髮造型的秋官，大讚自己有型，更指自己似「木村右哉」，不過他就大呻陳豪搶晒劇中靚女：「劇入面逢女都係佢嘅，係有少少唔平均！（套劇係咪原創？）應該係！不過天下文章一大抄，唐詩三百都有人抄啦！最緊要係點組合。」
陳豪即場玩「飛起」魔術。
陳豪即場玩「飛起」魔術。

劇中飾演魔術師的陳豪則大讚秋官：「佢真係好風度翩翩，對女仔好溫柔，說話令女性好舒服，任何女性同佢傾嘢都由心笑出嚟！（學到嘢？）好少，佢係楚留香，我係爛gag王！」期間，陳豪又即場玩「飛起」魔術，更透露戲中有場水底魔術戲，甚有難度。與陳豪劇中飾演同居戀人的邵美琪，透露劇中有不少床上戲份。

邵美琪（中）每次與秋官（左）合作均感覺不一，更因對方要求高而大感壓力。
  • 邵美琪（中）每次與秋官（左）合作均感覺不一，更因對方要求高而大感壓力。