鍾嘉欣爭視后提早認輸

鍾嘉欣和羅仲謙昨日在尖沙咀出席手機發布會。問到鍾嘉欣可會經常遺失手提電話？她說：「因為開工唔可以響電話，所以經常唔知電話放咗喺邊，有試過漏咗喺衫袋，亦有試過漏喺廁所，但好好彩次次都搵番。雖然我啲藝員電話已經好小心用花名，但都怕唔見電話會外洩。」鍾嘉欣指手機內的相片只是友人合照沒有甚麼特別，但也擔心萬一遺失電話，私人短訊會外洩。

努力尋覓真愛

問鍾嘉欣可有恭賀林峯的演唱會DＶＤ及ＣＤ達三白金銷量？她說：「我唔知喎，當然恭喜佢，但係唔想再講呢個話題。」並隨即自動轉話題說起近日在劇中飾演她細佬的羅仲謙，指很羨慕他的六塊腹肌。鍾嘉欣突然避談林峯，問她是否覺得討厭？她說：「唔係咁諗，只係覺得同佢傳咗好耐，好悶。既然大家都知道係假嘅，點解仲要繼續講落去呢。」又稱會努力尋覓「真命天子」。

談到鍾嘉欣憑劇集《蒲松齡》有份競逐台慶頒獎禮「最佳女主角」，但伊人卻提早宣布投降：「今年冇乜信心，覺得演得麻麻哋，自己就支持阿佘，好仰慕佢，覺得佢好專業，好快入戲又守時。」

羅仲謙怕搭升降機

羅仲謙雖然練得一身健碩肌肉，但他原來最怕搭升降機，他說：「依家都考慮緊買樓，希望住番大埔，因為怕搭車立所以要揀低密度住宅，我搭車立時成日擔心鋼纜會斷，好彩未困過，唔係可能反而會嚇親啲女仔。」

採訪：影視組