林峯辛活逼人冇時間溝女
歌影視三線發展的林峯，昨日從內地趕回香港為演唱會DVD及CD銷量達三白金舉行祝捷會。工作排得密密麻麻的他坦言沒時間識女仔，連林媽媽亦提議他相睇搵姻緣。
林峯前日原定於常平出席活動後，隨即飛到北京為電影《白蛇傳說》開工，但由於早前推出的《COME 2 ME林峯演唱會》的DVD及CD銷量報捷，昨日特意回港舉行祝捷會，英皇高層吳雨及無綫高層樂易玲亦出席支持。吳雨向林峯送上玩具四驅車，寓意他在歌影視三方面「開行turbo」。問樂易玲有何鼓勵？她謂：「我平日星期日要湊仔，雷劈都唔出街o架，已經好支持啦！」
拒絕阿媽去相睇
林峯表示工作太忙，連買東西獎勵自己的時間都沒有，故最想放假休息：「放假係我夢想，希望二月農曆新年嗰陣可以放一至兩個星期，返鄉下探祖母。」他透露祝捷後即飛到北京拍戲，緊接巡迴美加、星馬及越南等地舉行演唱會，期間又要到內地拍電視劇。問會否識女仔「獎勵」自己？林峯笑謂：「咁都得？不過就算識咗都冇時間陪。（屋企人冇催婚？）冇明催，不過阿媽今年真係有叫我去『相睇』，我唔敢去呀，感覺好奇怪。（畀個機會自己？）未係時候，緣分要靠自己撞。」
無綫好多親生仔
有傳古巨基為無綫唱電視劇主題曲而攞硬「最受歡迎男歌星」獎，問林峯可有信心？他說：「IFPI反而有信心。（你係親生仔！）TVB有好多親生仔，個個都錫。（守住亞太區最受歡迎男歌星？）其實我次次得獎都會放喺個架度，唯獨呢個冇放出嚟，我想自己再做好啲先！」他直言今年可以再開演唱會，做到真正三線發展已感滿足。提到視帝之爭，他說：「我真係冇諗過，自己睇好歐陽震華。」
文：音樂組