寵壞你：李逸朗講起「女友」冧到入心

Don近期長駐內地拍攝電視劇，每次均逗留逾兩個月，但一有時間返港，他定必九秒九趕回家看看三隻小貓，Don表示：「我三隻貓叫白白、虎虎同鼻鼻，其實我喺內地拍劇嘅時候都好掛住佢哋架，好彩屋企人每日都會上嚟幫我餵貓同換貓沙，等我可以專心啲拍劇！」Don指三隻貓咪性格各有不同，但共通點就係愛撒嬌，Don冧爆表示：「佢哋好黐我架，每次返到屋企都會係咁跟住我，仲會爭住同我同床共枕添！」

乜都玩一餐

不過三隻貓都有頑皮的時候，最喜歡咬紙巾及玩膠袋，令Don對牠們又愛又恨，Don表示：「貓真係好得意，屋企嘅日用品都可以成為佢哋嘅玩具，好似紙巾同膠袋，佢哋最鍾意夾份咬爛啲廁紙，又鍾意捐入膠袋裏面玩，破壞力好驚人架，有時真係畀佢哋激到我紮紮跳！」

虎虎	鼻鼻	白白

與貓傾心事

感情仍交白卷的Don自爆視三隻小貓是自己的男、女朋友，他笑言：「係呀，我平時一支公好少出街，喺屋企就捉住同佢哋傾心事，真係當正佢哋係自己嘅男、女朋友咁架！」

娛圈多貓癡

娛圈中，像李逸朗一般的愛貓藝人亦有不少，當中包括兩代「玉女」周慧敏（Vivian）及梁詠琪（GiGi），而胡杏兒亦是「貓癡」一名。

周慧敏一向愛貓如命，經常被「催生」的她每次均表示視家中愛貓是其「親生仔」，所以拒絕生育。	GiGi現時家中飼養兩隻可愛小貓，而早前GiGi亦飼養過另一隻花貓Poppy，可惜Poppy因意外去世，令GiGi傷心得哭腫雙眼。	胡杏兒飼養了八隻小貓，她早前曾帶同愛貓客串演出，更表示揀男朋友先要問過愛貓，可見貓咪在其心目中地位相當重要。

文：音樂組