粵劇名伶林家聲日前獲頒香港演藝學院榮譽博士學位，前晚於尖東一酒店筵開十席慶祝，粵劇好友吳君麗、陳好逑、李龍等，以及聲哥兒子林潤笙夫婦專程由外地來港，場面熱鬧。精神不俗的聲哥坦言十分高興，同時難得與一眾同業老友聚會，他上台致詞時更有感而發，並語帶哽咽地說：「得到呢個學位對我好大意義，我好意外，但又好可惜同好遺憾，因為我師傅薛覺先已經唔喺度，睇唔到我攞呢個獎，不過亦好高興，因為我所學嘅嘢得到認同，不負我一生練嘅功。」
