陳豪中環拍劇被毆

台慶頒獎禮舉行在即，被視為視帝大熱的陳豪，依然心情輕鬆為新劇《心戰》開工。前晚約八時，劇組在中環威靈頓街拍外景，陳豪駕着貨Van在附近兜圈，當不用埋位時，他與工作人員有說有笑。之後有馬海倫加入拍攝，並坐在陳豪身旁，趁着工作人員set機時，兩人傾個不停，期間馬海倫突然作狀揮拳打向陳豪個頭，陳豪不但沒有還擊，反而笑到擘晒口。
馬海倫作狀揮拳，把陳豪逗得笑到擘晒口。
馬海倫作狀揮拳，把陳豪逗得笑到擘晒口。

當晚「浸大E神」楊梓瑤（Carol）與助手現身附近行街，見記者拍照即主動揮手打招呼。雖然當時陳豪正在同一條街拍劇，但Carol未有上前八卦，與助手逛時裝店，但全程齋睇冇幫襯。

Carol（左）與助手中環逛時裝店，但齋睇冇幫襯。
  • Carol（左）與助手中環逛時裝店，但齋睇冇幫襯。