蒙嘉慧冇做人情唔敢飲醉

昨晚陳小春補擺喜酒，圈中多位好友如陳豪、蒙嘉慧、田蕊妮、吳志雄、洪天明、劉偉強、郭富城等均有出席。蒙嘉慧甫到場即被追問婚期，她說︰「今日係小春結婚，唔好講我啲嘢，恭喜佢。」她又稱沒準備人情，直言不會飲醉離開，因之後要做司機兼送友人回家。穿Deep V晚裝到場的田蕊妮笑言小春貪錢，故送錢作賀禮。她又指老公杜汶澤負責觀禮，自己負責去飲。
蒙嘉慧到場即被追問婚期，她當然例牌唔答。
蒙嘉慧到場即被追問婚期，她當然例牌唔答。

與小春相識多年的陳豪準備利是送作賀禮，他說︰「我識咗小春好耐，替佢高興。之前小春仲話：『我終於搵到喇』我都感受到佢嘅興奮。」城城亦指與小春相識超過廿年︰「我同佢識咗好耐，但冇合作過。佢之前特登打畀我叫我嚟。本身要去北京做嘢，但咁啱延期嚟到好開心。」另外，曾志偉約九時才到，原來剛收工趕來。他說︰「初頭諗住趕唔切，我有間房喺度，唔驚今晚醉，但係驚啲人知我有間房，第二日瞓醒會有好多人醉喺度。」

田蕊妮指小春貪錢，送錢最實際。
  • 田蕊妮指小春貪錢，送錢最實際。
志偉雖然遲到，但總好過冇到。
  • 志偉雖然遲到，但總好過冇到。
城城與小春相識逾廿年，抽空出席婚宴。
  • 城城與小春相識逾廿年，抽空出席婚宴。