小方Stephy同房關係有共識

小方和Stephy被本報踢爆兩人雙雙赴馬爾代夫度假，並入住當地最豪華的W酒店，因一直盛傳兩人結婚，今次疑似度蜜月。昨日是兩人度假後首次以「情侶檔」出席「百福婆婆」活動，但姍姍來遲二十分鐘，見小方和穿上Plotz的灰色衫的Stephy明顯如沐春風。

對於是否秘密結婚兼度蜜月？小方亦有備而來說：「冇度蜜月，冇結婚，仲係單身……（即更正）唔係，總之冇結婚。」Stephy則言結婚都瞞不過傳媒，因實會查到，她現在未有結婚衝動，未到適婚年齡。在旁小方竟抵死說：「你仲18、22咩。」更打情罵俏說Stephy不急結婚，他都一樣不趕：「我事業先起步，三十歲黃金期先係運動員嘅巔峰。」

認女友身份

對被撞破旅行，兩人表示從來沒有介意或逃避，都是正常途徑出發和返港。雖然公然拍拖去旅行，但小方仍堅守最後防線說：「講到感情嘢我係怕醜仔，唔講太多咁detail（詳細）啦，總之大家影到乜就乜，我做人頂天立地，冇嘢唔見到光。」記者取笑小方每次旅行都被撞破（早年被撞破與鍾欣桐到瑞士旅行）？小方衝口而出說：「唔好講以前啲衰嘢啦。」

趁小方上台時，記者即向Stephy逼供兩人是否同房？Stephy沒有否認：「我哋有共識唔講太多detail嘢啦，我哋都承認咗一齊去旅行啦。（同男朋友去旅行？）係同方力申去。」而Stephy承認是二人世界，亦預計在當地遇到香港遊客，就算被偷影都沒所謂。問到以「方力申女朋友」來稱呼她，可會被她告？Stephy即尷尬笑言：「咁寫唔會告你哋，我哋唔會咁衰嘅。」

前度送祝福

至於小方前緋聞女友鍾欣桐、Stephy緋聞男友導演葉念琛及死敵傅穎（Theresa）昨日被問到小方與Stephy公開「親密關係」一事，均表示向兩人送上祝福，葉念琛略為避忌說：「恭喜，（拍戲嗰陣就知戀情？）佢哋入戲啫，演得好好，我專心拍戲。（你同Stephy都傳過喎？）唔講呢啲喇。」隨即掛上電話。

另外，爆出小方與Stephy結伴外遊的「微博友」Carol_K前晚再發微博表示不會再於網上分享「發現過程」，勸告微友不用再等，同時附上圖片一張，當中一對「黑色情侶」估計就是小方與Stephy。

文：音樂組