羅君左病逝未圓舞台夢

因糖尿病兩度截肢切去右小腿的無綫藝人羅君左(斌仔),昨日傍晚六時三十八分病逝,終年五十一歲。好友廖安麗全程合十誦經,陪斌仔走最後一程到醫院殮房,更着在場的佛教徒為斌仔唸「阿彌陀佛」;另一好友蕭鍵鏗稱他走得安詳,並慶幸好友們都已見斌仔,為他送上最真摯的祝福,希望他在極樂同樣活得樂觀堅強。

飽受糖尿病併發症折騰多年的斌仔,前晚因身體不適入院後,曾一度休克而轉至深切治療部觀察,直至昨午病情急轉直下,斌仔捱至傍晚離世,彌留時獲一眾好友陪伴在旁,包括與斌仔合作搞舞台劇劇本的製作人蕭鍵鏗、莫鎮賢、林偉、胡渭康和李成昌等;而後期與斌仔聯絡得密切的廖安麗,昨晚八時亦趕到醫院,給這位「抗病戰士」送最後一程。昨日醫院都放寬ICU的探病時間,令斌仔的好友能入內見他最後一面,如梁葆貞(順嫂)、配音員謝月美、唐韋琪等,斌仔的助手Sam和好友Sin等。

死因等醫生公布

已沒親人在世的斌仔,以頑強的生命力戰勝一浪浪病魔,樂觀的他從沒打算後事安排,但卻有一個遺願:希望他年前所編的舞台劇能夠上演。斌仔生前積極籌備明年的演出,而為他整理劇本的製作人蕭鍵鏗,昨日傍晚六時五十分以代表身份宣布斌仔死訊,並稱斌仔已離開人世,走得安詳無痛苦,朋友也很放心,大家都有來送他一程,斌仔當時亦有反應。蕭公子更希望斌仔的精神以及於《香港82》的斌仔精神繼續保留。被問到斌仔是否因心臟衰竭離世時,蕭公子說:「呢個情況等醫生出死亡證先知,我只係想為斌仔達成心願。」說罷忍不住落淚。

心臟曾停三分鐘

有報道指斌仔送院後心臟曾停頓廿分鐘,蕭公子昨澄清:「冇可能,我前日中午去探斌仔時,佢朋友阿Sin同我講斌仔心臟停過三分鐘,後來冇事呼吸正常番我都定啲。不過,我喺ICU見到斌仔時,佢全身都係醫療儀器,雙眼畀塊白紗布蓋住,係醫生怕佢因朋友嚟探佢時,成日瞪眼冇得休息,所以用紗布蓋住,但我去到同佢講叫快啲好番同佢傾劇本時,佢都有反應,個呼吸即時急速起嚟,面色都OK。」

至於好友廖安麗(Annie),對斌仔最是照顧,她除了前晚在斌仔病危時漏夜趕往醫院探望外,昨晚八時左右亦到醫院送斌仔最後一程。斌仔昨晚安睡在鐵箱內,由Annie、生前好友廖Sir和助手Sam三人陪同下,送往殮房安放,等待辦理身後事。Annie與「斌仔」行出病房時,向在場記者稱:「大家錫斌仔的話就安靜啲。斌仔係佛教徒,如果大家冇信仰,大家可以講句『阿彌陀佛』,或者其他聖號,等斌仔安樂上路!」Annie說罷便與另兩位友人陪「斌仔」入升降機,過程中她表現得很冷靜,雙手合十,雖然戴上口罩,但仍聽到她為「斌仔」唸經。

身在內地工作的莫鎮賢,事後接受記者電話訪問時仍口震震似在嗚咽:「我啱啱喺大陸返嚟,趕得切最後一個見佢,今次佢走得太突然,我覺得佢太多嘢顧、太多嘢做喇,令病情惡化,我不時有『哦』佢要休息,切咗隻腳都要等康復,佢病發後都有通過電話,我覺得生命真係脆弱,咁就冇咗!」林偉則稱大前日還與斌仔一齊食午飯:「佢遲啲仲話去馬來西亞做嘢,佢行動不便仲叫埋我去,當時我話如果有時間都會陪,點知佢今日就走咗!」

文:影視組

想跟阿叻一同切磋賽馬心得,立即登記參加「靈活至叻爭霸戰」啦!

第一手消息請瀏覽on.cc 東方互動《即時新聞》