憑《星空奇遇記》少年卻克隊長一角走紅的荷里活新星基斯派恩，與奧斯卡金像影帝丹素華盛頓合作的新片《煞破天劫》今日在美國等地公映，而最近他就榮登美國權威電影雜誌封面，更被選為最炙手可熱的新紮A級明星之一！
美國權威電影雜誌《The Hollywood Reporter》最近以基斯做封面（左圖），選出包括基斯、沙拉保夫、Taylor Lautner、畢利谷巴及森禾霍頓等A級明日之星，並推算基斯的出現，分分鐘可取代一些有票房保證的舊明星，而一名荷里活監製受訪時更不諱言現今影壇正渴求如基斯這類的小伙子。
對於新片有幸與丹素華盛頓合作，基斯就表現興奮說：「對我來講，能跟丹素合作，簡直就好似中咗六合彩一樣！」雖然基斯被荷里活行內人士一致睇好，但他卻沒有恃寵生驕，相反更抱着學習的心態。他表示：「真係好高興能夠同一個我由細睇到大嘅影星合作，作為年輕演員，我嘅工作就係持開放態度，用耳同眼去跟大師學習，睇丹素做戲就如睇一個偉大嘅畫家畫畫一樣，簡直係享受！」
基斯欣賞丹素，同樣丹素亦對基斯讚不絕口，他說：「我好喜歡基斯，係我提議佢接《煞》中嘅角色，事實證明佢係最適合不過。」
文：外娛組