伍詠薇減產從商做女強人

伍姑娘在不足一年時間做出理想成績，令她在商界發揮更具信心：「我喺短時間吸收商界知識，簡直係『雞精班』，其實讀完書只做過幾個月寫字樓工就入娛圈，冇乜接觸社會，以前拍戲係體力勞動，只負責演戲乜都唔使理，做咗老闆訓練到要聰明啲，決策要快，因為分分鐘可能係錢，事事親力親為，係腦力勞動。」

實現夢想

孭住「藝人」銜頭去做生意，伍姑娘知道好處是易給人親切感，但亦會有人覺得她是門外漢，有好多奇異目光，所以她要加倍努力，壓力亦更大：「不過我覺得好刺激，亦好享受過程，做生意係我年少夢想，終於實現，呢個會係我長線嘅工作，所以幕前會減產，或者一年揀一個最好嘅劇拍，總之唔會畀觀眾唔鍾意睇我時至走，發球權一定要喺我手。」

夫妻拍檔

做事愛親力親為的伍姑娘，今次跟老公練海棠拍住上，老公在她抓爆頭時幫了很多，尤其以他以前在廣告界的專業及關係，令伍姑娘在離開校園多年仍得到老師級指導，獲益良多，兩公婆可謂最佳拍檔。

文：影視組

攝影：黃叔榮　

場地：Janice Lam Makeup Workshop

髮型：George Shum@Hair