陳嘉容樂做鑽石剩女
身為「鑽石剩女」的名模陳嘉容（Eunis）不在乎這個稱號，享受自由自在的單身生活，但她亦憧憬再婚，為夢想中的婚禮設計，設計一襲復古的喱士婚紗。
圈中有不少鑽石剩女，名模陳嘉容卻不介意榜上有名，她樂觀地說：「唔覺得係負面，我哋要求高，鑽石係正面，代表仲有市場。唔可以搵個令自己唔開心嘅人，唔開心會好易老，就唔靚，想叫時下剩女唔好唔開心，宅男個名咪仲衰。」
Eunis表示未有理想對象，但不急於找尋白馬王子，享受現時的單身生活：「一個人突然唔想食飯，想去按摩，就可以唔食飯去按摩，兩個人瞓覺聽到另一半嘅鼻鼾聲係好sweet，但依家一個人瞓，聽唔到鼻鼾聲又覺得唔會嘈。」
婚紗草圖
話雖如此，Eunis仍憧憬再次結婚，熟悉時裝的她心中已有婚紗的草圖：「如果有呢一日，我已經諗到條裙要全Lace，復古嘅，全白或者珍珠色，仲要好多珍珠做飾物。」最近，她在有線節目《潮拜教室》品評衣着，並為主播進行大改造，雖然她享受幫人變靚的過程，但她亦會大呼救命：「試過叫個女主播拎晒最靚嘅衫出嚟，係條碎花裙，根本就唔係主播應該有嘅型格，仲要得對兩吋嘅高踭鞋，對我哋嚟講都唔算有踭啦。」
文：專案組
攝：李柏儒
服裝及場地：BCBG