何倍倩陳君宜吃喝玩樂感情保鮮
恒生新抱何倍倩（Anina）與模特兒陳君宜（Qinnie）同屬事業型靚太，二人美顏有術之餘，亦御夫有道，一個以「吃喝」來細味感情，一個以「玩樂」來保鮮關係，昂然面對七年之癢。
何倍倩與陳君宜一個好靜一個好動，二人站在一起時，一白一黑，煞是有趣。不過，看上去南轅北轍的兩個人，原來共通點也不少，她們都是靚太以及從事與扮靚有關的生意，前者是美容代理老闆，後者則是時裝店老闆。
兩個女人聚在一起，話題離不開扮靚，Qinnie自認大膽，敢於嘗試不同的美容科技，例如laser facial、美白針、保濕針等，雖然見效快，但始終治標不治本，她坦承：「我覺得好似太過激，而且做得多會令皮膚易衰老。」Anina認同美容應該注重基本，例如多做facial及敷面膜，自然日子有功。
一個勇於冒險
有嫩滑肌膚外，還要有靚衫配合，Qinnie在衣着打扮上同樣富冒險精神：「我乜都敢着，例如好sexy、好誇張嘅肩膊設計，甚至黃色、綠色都冇問題。」身材不遜對方的Anina聞言就謙稱：「我身材冇你咁好。我好懶，鍾意着連身裙，唔使襯，但會加上唔同配飾去突出自己。」
所謂「女為悅己者容」，談完扮靚，話題就免不了扯到另一半身上。原來二人都與身邊人已經共處六個年頭，提到相處之道，Anina認為信任最重要，她自信說：「我哋一齊咁耐，大家好清楚對方，好有默契，有時唔需要講都會知道對方想點。」至於Qinnie指懂得互相遷就才可以令關係長久：「我本身好就得人，唔鍾意同人鬧交，所以我好遷就我老公。多年來我哋冇乜點鬧交，我唔開心只會唔出聲，隔一晚，先再攞件事出嚟講，咁大家會冷靜好多。」
一個平淡是福
問到將踏入七年之癢，會否怕感情轉淡？Qinnie笑言：「我哋經常學新嘢，所以唔會覺得悶，我哋好鍾意戶外活動，好似潛水同滑雪，完全唔覺原來一齊咗六年咁耐。」Anina就反而很享受平淡的婚姻關係，她稱：「平淡是福，大家相處得好舒服。我哋個性好相似，見我哋白白淨就知道平時好少戶外活動，我哋鍾意食，喜歡去唔同餐廳試新菜式，一見到新食肆就會雙眼發亮。」
場地：Zenses