朱璇宅女一族冇人追
08年華裔小姐冠軍朱璇樣子甜美，身材高，不少人都盛讚她是靚女，奈何朱璇自己卻欠缺自信心，嫌自己不夠靚、不夠好，大嘆做靚女既辛苦又難做。
朱璇自08年參加華姐奪冠軍後便加入無綫，雖然拍劇機會不太多，但之前仍有幸參與拍攝電影《淚王子》，又於另一部電影《抱抱俏佳人》中，再嘗拍電影的滋味。戲中朱璇與廖碧兒、徐子珊及毛舜筠是好姊妹，她笑言大家就像《色慾都巿》般，角色很多靚衫穿。問她怕否一直都演「花瓶」角色？她謙稱︰「我都想呀！不過做靚女好難，要有樣貌、有智慧，我嫌自己唔夠靚，唔夠自信，不過年紀開始大，靚樣都唔可以keep得好耐，想人哋讚我嘅演技多啲。」
練好廣東話
朱璇表示自己是一名很普通的女子，經常會懷疑自己的實力，她坦言︰ 「如果自己有實力會好啲，（有冇自我增值？）我睇好多電影、話劇，亦有買外國劇本睇，我喺巴黎讀書都係讀戲劇，依家最想係先講好啲廣東話，我經常都會聽MP3裏面啲對話學習。」問她為何不在港找一名男朋友練好廣東話，她笑言︰「個個都同我咁講，話搵個男朋友學得快啲，我都想有人追，不過可能自己少出街、應酬，真係冇男仔追我，（係咪要求高？）唔係，我只係要求溝通到、互相了解就得，最好身高唔好矮過我。」
採訪：影視組
攝影：司徒國榮
服裝：Guess
場地：peace cafe