傅嘉莉為食辣妹變孖膶腸

身材纖瘦的模特兒傅嘉莉（Kelly），經常因工作關係而廢寢忘餐，她也自認不健康：「做modelling工作要隨時ready，太飽又好眼瞓，我一多嘢做就冇胃口，試過成日冇食嘢，我都知咁樣唔健康。」問到曾否經歷肥妹仔時期？Kelly說：「喺18歲時有少少baby fat，當時有種young嘅感覺，不過我想上鏡好睇，於是不停做運動減肥。」

唔開心冇得呻

提到最愛的口味，Kelly想也不想便選擇了辣！她說：「我好鍾意麻辣味，就算食魚蛋麵都要加好多辣油！麻辣火鍋就最啱，出一身汗嘅感覺好舒服！（唔怕食到個嘴腫到似孖膶腸？）唔理得咁多喇！嘴腫都係享受！哈哈！」

問到人生中的甜與苦，Kelly談論的都離不開工作，她說：「甜嘅係做model可以影好多靚相，苦就係成日要一個人工作，有時唔開心都會喊，但又唔知可以同邊個呻。」

陳慧琳為目標

至於愛情方面，Kelly希望可於30歲前結婚，而婚後仍可以繼續工作，並且以另一位「Kelly」陳慧琳為目標，她說：「我希望好似佢咁，結婚生仔後仲可以繼續做嘢，攞到個平衡。」

這日Kelly到訪意大利餐廳大歎特色佳餚，面對白酒煮鮮青口、扒安格斯西冷扒及皇室布甸伴雪糕三款菜式，吃得Kelly嘴郁郁，平日也愛吃海鮮的她大讚青口非常鮮味，令她回想起不少旅行畫面。

採訪：影視組

攝影：劉智源

Stylist：J.C

化妝：Kylie Chan

髮型：Eas Fu@CHIN. G

服裝：Ted Baker

場地：Patio 88