李彩華靠禮拜尋Mr.Right
剛度過27歲生日的李彩華（Rain），雖然仍未到三字頭，但已表示有「危機感」。對於被傳與富貴教友拍拖，Rain加以否認，不過她認為另一半有同樣的宗教信仰始終會多些話題。
李彩華與前男友王傲山甩拖後，被指與富貴教友過從甚密，不過Rain否認有新戀情，她說：「藝人嘅拍拖生活，往往被外界關注，我都幾想有個伴，但要低調啲，唔會刻意去講。」Rain對感情事有感而發：「今日唔知聽日事，要嚟就嚟、要去就去，我都想快啲搵到Mr.Right。」她否認與富貴教友拍拖，指大家只係純朋友關係，但依家有「禮拜」習慣的她認為，如男友有同一個宗教信仰，會令大家多啲話題。
生日照掘金
剛度過27歲生日的Rain，雖然正日要在內地工作，但她過得很愜意，她笑說：「生日做嘢有錢賺喎，之後都趕得切慶祝，好開心。」Rain細細個已入行，到現時仍是芳齡27歲的她已開始感到「危機」，不過她仍然期待30歲的來臨。她亦不擔心被歸入中女行列，只求自己日日過得開心，做多些有意義的事。
Rain近年經常在內地「掘金」，榮升圈中小富婆，她謙稱：「我都想呀，富貴唔會有人嫌多。（賺好多？）好過喺香港啦。（繼續出碟？）冇放棄過唱歌事業，早排仲唱劇集《回家的誘惑》主題曲，依家我為興趣而唱。」
採訪：專案組
攝影：劉智源
髮型及場地：Johnny Chong@Hair Corner