黃榕胸襲夜店唔怕手多多

形象性感的黃榕雖然甚少新作面世，但原來工作未停過，不時獲邀擔任模特兒、DJ及舞蹈員等，可謂密食當三番。日前她到台灣為夜店擔任舞蹈員，與同場的日籍女舞蹈員身穿猶如內衣的服裝大跳辣舞，大晒豐滿上圍兼又趴又瞓，令全場氣溫急升。問到有否遇過醉漢博懵？黃榕說：「冇喎！因為啲保安做得好好，如果有人伸手出嚟，會畀人拉開架！（有人要求合照呢？）會影！佢哋咁支持我，都唔會毛手毛腳。」
黃榕作多棲發展，實行密食當三番。
黃榕作多棲發展，實行密食當三番。

此外，早前黃榕為拳賽擔任show girl，首次近距離欣賞拳賽的她大呼刺激，但又覺得十分殘忍：「因為佢哋真係打到出晒血，仲有人要送院，我睇睇吓都合埋眼唔敢望！」

衣着性感的黃榕（左）與日籍女舞蹈員瞓身表演。
  • 衣着性感的黃榕（左）與日籍女舞蹈員瞓身表演。