鍾舒漫幫男友妝模作樣
潮人鍾舒漫（Sherman）自認是貪靚鬼，每次出街必定執到靚靚才步出家門。她自爆曾為男友畫眼線及化妖妝，並沾沾自喜說：「佢好鍾意同我一齊癲。」
英皇歌手Sherman早前獲化妝品牌MAX FACTOR睇中邀做代言人，Sherman表示入行前不注重形象：「真係唔化妝、踢拖落街，做咗藝人之後出街點都要化妝，所以愈嚟愈貪靚。」Sherman大方透露曾相約心儀對象食飯，可惜當時的她皮膚敏感致花容失色，搞到冇晒下文，她說：「好影響印象，真係尷尬。」
喜歡上進心
問到有否試過為男友化妝？Sherman即表現雀躍並笑笑口說：「有呀，試過幫佢畫眼線同化咗個妖妝。（佢接受？）佢坐定定o架，拍得拖梗係要同我一齊癲啦！當然唔係要佢咁樣出街。」Sherman承認小時候擇偶以外表行先：「大個咗成個諗法唔同晒，最緊要有上進心。（使唔使係教徒？）如果係就最好啦，大家同一理念。」
扮型獲好評
Sherman感激化妝品牌賞識，她說：「真係勁開心，冇諗過大會會諗起自己。」近年轉行型格路線的她備受好評，Sherman說：「多謝外間肯定我嘅形象，我會繼續努力。（收入係咪多咗？）OK啦，最緊要有嘢做同開心。」
文：音樂組 髮型：Daniel@Chin.G