名模Lisa S.昨日以嘉賓身份出席麥當勞法國皇室凱旋堡Le Grand揭幕禮，Lisa老公吳彥祖（Daniel）將返大陸拍電影《建黨偉業》，並飾演文人胡適，她說：「我喺書度見過胡適個樣，覺得佢哋好似。（Daniel有冇寫情信畀你？）佢會Email同sms畀我，我都有寫畀佢，一段長久關係要有呢啲小情趣先得。（內容係咩？）I love you嗰啲囉！（係咪三級架？）係呀，要夠十八歲先睇得架！」
正與老公努力造人的她被問到對人工受孕和代母的看法，她說：「其實喺美國好普遍，我會試晒啲天然方法，唔得就會接受人工受孕，再唔得就會領養。」
