林心如疊埋心水做宅女

林心如於新劇《三國》演歷史人物孫尚香，由於對角色背景不熟悉，故開拍前做足準備工夫，除了操體能、做Gym、跑步外，還買下有關書籍惡補，可謂一切由零開始，不過面對密麻麻的字體，心如不消一會便睡着了，後來惟有買碟偷師了事。

耍刀花雙手痠

趙薇於電影《赤壁》演的孫尚香打戲連場，心如卻表示自己所演的只有一場打戲，但沒料該場戲份竟要用上三個晚上來完成，她謂：「我嘅武器係雙刀，仲要講我係好叻，但係我好多時係臨場學，最難係耍刀花，耍完之後雙手好痠痛，所以如果談情戲同打戲畀我揀，我寧願談情。」心如更指戲中角色溫柔，與其現實完全不一，笑言自己是男仔頭一名，只是外觀欺騙了大家。

心如自從與唐季禮緋聞結束後，感情似乎淡如清水，她亦承認雖然已有幾年空窗期，但仍想再墮愛河，只是未遇上適當對象。

升呢做製作人

林心如說：「啲人成日話忙冇時間，其實要拍拖實抽到時間，不過冇呢個人出現囉！平時對住都係演員、工作人員，全部唔係結咗婚就係有女朋友。」

對於范冰冰、章子怡、何潤東等先後當上製作人，心如最近亦加入戰團，於年底製作古裝劇《傾室皇妃》，除了親自演皇妃一角外，還有意打友情牌廣邀好友參與，她謂：「會有韓國、台灣同內地演員，陸毅已經話要客串，至於徐若瑄佢好忙，睇吓到時點先啦！」

文：影視組　攝：劉智源

場地：泰好運風水食坊（香港）