盧海鵬奉命唱衰無綫「輪姦」觀眾

亞視昨在大埔總台舉行《亞洲電視2011節目巡禮》，招待數以百計的廣告客戶，雖然沒有大牌藝員、當家小生花旦，但仍安排《2010亞洲小姐競選》候選佳麗性感登場作招徠，另有台灣歌手「小胖」林育羣獻唱，出席的還有將替亞視拍劇的趙碩之、尹蓁晞、關楚耀等，向來性感的趙碩之與尹蓁晞卻收起性感，即時被一眾亞姐搶晒鏡，而(15)內地佳麗劉曉智被選為「最受客戶歡迎亞洲小姐」獎，獲得三千元現金。

鬧足十五分鐘

節目開始，亞視請來出身自無綫藝訓班的「扮嘢高手」盧海鵬與《東宮西宮》舞台劇演員合唱口水歌，細聽歌詞，竟字字衝着無綫而來，包括鬧無綫「要歌星個個畀面，唔係無獎分……沉悶劇情無道理，弱能睇到我想死……明明係齣廣告，扮劇情呃我哋」，最寸是嘲諷無綫抄襲之餘，又「全日用九齣過氣劇集輪姦我哋」，且即時將無綫昨日的節目編排由朝早六時開始讀到凌晨，確是九齣劇中有六齣是重播，雖然鬧足十五分鐘字字「見血」，但台下觀眾卻沒甚反應。

(15)劉曉智	呂晶晶以低胸晚裝現身亞視節目巡禮。	趙碩之（右）與尹蓁晞昨晚收起性感。

未知會播哪段

事後問到鵬哥是否由他編寫歌詞？他說：「我邊度得閒編，係之前《東宮西宮》舞台劇做過嘅，（講輪姦太偏激？）人哋個劇係咁寫，講笑啫，不過我諗呢次之後都唔使再撈，得番單邊（只做亞視），（你唔反抗？）講嘅係事實，多啲人知係好。」而高層葉家寶被問怕不怕無綫會採法律行動，他表示未知會播哪段出街，但會依足廣管局標準去播，至於無綫方面，截稿前對此暫未有回應。亞視老闆王征在台上指現時免費電視台廣告太多如發水樓，揚言要開戰，亞視將會成為全球唯一少一半廣告的電視台，並強調從不「河蟹」新聞節目。

《無綫你鬧咗未？》

無綫好乞我憎　無綫搵銀至真　

扮有橋　其實冇乜內容先至真

無綫出名惡啃　無綫畀屎佢吞　

成日要歌星個個畀面　唔係無獎分

沉悶劇情牽強無道理　

全部弱能睇到我想死　

明明係齣廣告　扮劇情呃我哋　

遊戲玩得無品　無謂笑聲搞氣氛

自製口碑台慶乏味　

萬千星輝咁又點

成日學人扮製作可悲　

求求其其質素無得比　

全日用九齣過氣劇集輪姦我哋　

無綫真卑鄙　人面獸心嚇壞你

垃圾變商品　買買賣賣　

愚弄你　萬千星輝咁又點　

愚弄你 萬千星輝睇住死

文：影視組