徐子珊震撼：佢嫌我唔夠高

「藍男戀」被踢爆後，祖藍昨在微博上發表告別單身寡佬宣言：「本人正式宣布，曾經作為光棍委員會主席的我任期屆滿，希望下屆主席可以完成我未完成的艱辛任務，盡快解散呢個會，請問有誰願意當主席？」藝人如羅敏莊及黃日華等隨即送上祝福。

代亞男領獎被叫結婚

祖藍昨日在無綫台慶記招上成為被玩對象，事緣缺席的女友李亞男被抽中了千元大利是，鄭裕玲即着祖藍上台代領，台下的阮兆祥即起哄大叫「結婚、結婚」，令祖藍哭笑不得。

另方面，子珊昨與鄧紫棋、汪詩詩出席鞋履品牌的發布會及時裝騷，剛從上海回來的子珊，在機場聽得fans告知「藍男戀」，她笑說：「我一聽到呢個消息，覺得仲震撼過啲藝人閃電結婚呀，我同佢拍過兩套戲，無奈佢都睇我唔上眼，可能嫌我唔夠高！不過佢哋真係好夾，大家又同一宗教。」

李亞男	汪詩詩與小朋友一起行鞋騷。	鄧紫棋有意置業，有衣帽間可擺放靚衫。

「睇唔上眼嫌我man」

問子珊是否因為曾發表婚前性行為大膽言論，祖藍才看不上她？她說：「我諗唔關事，佢應該嫌我太男仔頭，成日話我man過佢。」子珊可會接受比她矮的男友？她說：「我未試過鍾意矮過自己嘅男仔，如果真係鍾意都冇所謂。」笑言會向兩人催婚。

文：名人組