李嘉欣親證佗B仔拍大肚寫真

嘉欣昨日擔任品牌MIKIMOTO的開幕剪綵嘉賓，腹大便便的她穿上一件Oscar de la Renta品牌的Tube Dress，腳踏兩吋船踭鞋小心翼翼進場。雖然懷胎五個多月仍明艷照人，上圍亦稍為升級，出現離罩現象。她說：「重咗十幾磅，係大咗少少。不過冇度過。（換過晒內衣？）有啲特別專畀呢個階段人士用嘅。」

老爺奶奶好開心

嘉欣正式宣布懷有男胎，問到奶奶是否特別開心？她說：「我冇特別研究生仔定生女會開心啲，只知佢哋（老爺奶奶）開心。（有冇獎勵？）我哋冇呢啲嘢，仔女都係自己骨肉，我冇呢樣諗法。」問到胎兒能否趕及拎利是？她說：「我哋習俗懷孕都拎得。（虎仔定兔仔？）太多虎圍住我嘞。（想兔？）係呀！」

問到有否與老公結伴上育嬰課程？嘉欣笑說：「冇呀！佢似路人甲，佢唔識換尿片。我依家用我家姐個仔做實驗品，都少少熟手。」有傳嘉欣憑體外養卵方法懷孕，她未有正面回答，只表示懷孕至今登上太多雜誌封面，最過分是指她骨肉患有唐氏綜合症，但沒有影響心情，故不想逐一回應。

未考慮人工懷孕

現時人工方式懷孕很流行，但嘉欣稱未有需要考慮。問到骨肉是否純天然製造？她亦未有正面回答：「我有說服過先生搵代母，但佢唔肯。佢話全世界只係想同一個人生，就係我。好感動，真係唔該晒。（因為感動所以願意自己生？）唔係，我覺得佢整蠱我，咁好帶挈。」她又指小生命來臨是上帝給的禮物。另外，她承認有意拍大肚寫真，並獲家人支持，但相片絕不公開。

有此一著

大美人李嘉欣懷孕五個多月，今次挑選了Oscar de la Renta黃色Tube Dress到場。她特別找人將腰部位置放寬配合身形，而娃娃裙的設計將她隆起的腹部收起，顯得與過往一樣Fit，加上鮮艷黃色，顯得分外青春。

文：影視組