廖碧兒掉轉槍頭唔撐陳豪
廖碧兒聯同黎耀祥出席環保車活動，連環被黎耀祥玩到全無招架之力，祥仔直言對環保車情有獨鍾，計劃明年生日買新車，繼而對廖碧兒說：「你生日就叫阿Mo（陳豪）送。」廖碧兒尷尬地答：「我自己買！」記者笑說祥仔可趁再奪視帝買車慶祝，祥仔繼續玩謝廖碧兒：「我驚陳豪會贏，佢個勢咁好，佢贏咗你送畀我！」廖碧兒全無還擊之力，只好裝傻地說：「吓！我唔明喎！」祥仔反問：「你唔明當中關係呀？」令到全場大笑。
記者追問廖碧兒看好誰奪視帝？她一手搭住曾演過她哥哥的祥仔說：「我梗係支持阿哥！（你唔驚陳豪嬲？）冇驚過！」祥仔接口說：「我係佢唯一可以公開的關係。」講到王祖藍和李亞男大方公開戀情，廖碧兒說：「感情嘅嘢每個人都有個人睇法，我依家好舒服。」
