祥仔博冧莊流尿寸林峯

無綫昨日於電視廣播城舉行記者會，公布下月五日舉行的台慶頒獎禮最佳男主角、女主角、男配角、女配角等多項提名的入圍名單，不過，多位熱門人馬如陳豪、林峯、佘詩曼、鄧萃雯均缺席，令大有冧莊視帝機會的黎耀祥獨領風騷，更即場大數視帝、視后候選人的不同特色。

自認乞兒多人撐

對於冧莊視帝，祥仔謙稱謂：「今年唔係我啦！咁多對手，你哋咁講嘢嘅！今年好熱鬧，可謂四大門派，華山論劍咁。」祥仔指林峯是偶像實力派，有觀眾緣，氣勢相當好，他說：「得到觀眾支持係優厚條件，（佢有老闆六嬸撐，係咪勁敵？）老闆支持當然係好重要嘅環節，但都要其他條件平衡，如果唔係舊年我同雯女都攞唔到啦！」祥仔又指觀眾對陳豪喜劇形象相當受落：「我同佢拍劇，好鍾意佢演繹手法，（佢同林峯都係流TVB嘅血喎！）我係北丐，我哋屬於乞兒仔，（咁咪多人撐囉！）咁都要選過先知！」祥仔又指馬浚偉是書生派代表，今年各類型齊全，坦言頒獎禮好好玩。

至於視后心水，他又指會是鄧萃雯、佘詩曼及楊怡之爭。問祥仔有否度定今年上台領獎的台辭，他笑言：「之前因為食咗好多年白果，所以舊年有度定，今年唔係好敢度，有啲驚。（使唔使林峯捐血畀你？）好鬼衰！我真係好鍾意佢，佢好親切。」另外，阮兆祥打趣表示頒獎禮當晚因要做福祿壽演唱會而不能出席情有可原，因為是替公司工作，問他是否流着TVB的血時，在旁的黎耀祥笑他謂：「你流TVB嘅尿！」阮兆祥即笑說：「TVB唔係『流』嘅！」

憑《刑警》獲提名男主角的黃日華則表示劇集得到口碑，已贏盡所有，不過深明此行遊戲規則的他謂：「企得喺娛樂圈，大家都知乜嘢環境、乜嘢形勢。（係咪講嗰啲TVB血？）我先係真真正正嘅親生仔嚟呀！不過有毛有翼飛咗出去啫！」黃日華又指巿場環境下，會看好黎耀祥，但笑言對方亦有「勁敵」陳豪。

陳豪戲路漸廣，拍喜劇觀眾亦受落。	佘詩曼今年最大對手可說是「九姑娘」鄧萃雯。（資料圖片）	鄧萃雯被捧為今年視后大熱門。（資料圖片）
法拉今年「叫三飛」，屬冷門之一。	黃日華（左起）、王浩信及胡定欣順勢宣傳新劇。

馬浚偉感激陳豪

馬浚偉與陳豪齊有份角逐今年視帝，陳豪被問到今年視帝看好邊個時表示：「馬浚偉值得睇好，他拍劇成績好，收視率又高，完全具備奪獎條件。」馬浚偉對陳豪支持大表感激，又大讚陳豪心地善良，雖然大家是競爭對手，但他依然覺得每一個入圍或得獎者，都已盡力去完成工作，獎項只如考試放榜。

至於陳法拉今年則「叫三飛」分別獲提名「最佳女主角」、「最佳女配角」及「我最喜愛的電視女角色」。另外，有指佘詩曼以「筍價」放了北角物業，阿佘昨日於電話中坦言感到開心，更謂：「好滿意價錢，不過要拍完劇返嚟先搬到屋。」

有網友在微博設立投票區，視帝以林峯領先，黎耀祥第二，視后則以雯女領先，阿佘緊貼其後。