謝婷婷昨日擔任模特兒示範鑽飾，表示從未收過男友安志杰（Andy）所送的鑽石，反而媽咪送了一對鑽石耳環，她希望可以一代傳一代。
對於有指Andy曾與李玟拍拖，分手時十分傷心，直到婷婷出現才治好情傷，婷婷說：「我識佢時仲係朋友時佢已經冇事，我唔會問佢嘅過去，我哋兩個依家嘅感情先係最重要，我會問佢屋企嘅嘢，感情就唔會問。細個時媽咪就教我如果自己辛苦就唔好問，每個人都有過去，係好正常嘅，係經歷嚟。我哋依家咁開心，好少會提以前啲嘢。（咁你係咪佢嘅醫生？）點解要做醫生？佢都冇病。」另外有傳阿嫂張栢芝再度懷孕，而且是BB女，婷婷即反問：「係咪快咗啲？我唔清楚。」
