諸葛富家女落難男友懶理
模特兒諸葛梓岐（Marie）早前進軍日本市場，但因中日關係緊張而延期赴日，早前日本唱片公司高層專程來港氹她，Marie隨即軟化，落實明年一月起行；而她亦會到內地拍劇，實行中港台日大包圍四地發展。
Marie早已於日本灌錄唱片，不過當一切準備就緒，準備於10月出發到當地宣傳時，卻因中日關係緊張，為安全起見，決定延期起行。為Marie在日本灌製唱片的日本環球公司，日前其製作次長太田直樹專程來港，向Marie進行游說，希望她早日起行到日本。Marie直認此事：「佢哋好友善，問我想點，依家決定一月會到日本，可以畀多啲時間再整靚啲，同埋鋪排好啲成件事。」另外，Marie亦已簽定日本經理人公司：「佢哋唔會畀任何框框我，要我做某個形象，佢哋畀我做番自己，我覺得好好。」
拍劇當女主角
除了日本外，Marie亦會向台灣及內地發展，她已接了一套由台灣及內地投資的劇集，一共廿五集，由Marie飾演女主角，她稱：「個女主角原本屋企好有錢，後來破產，仲要照顧細佬，係一個好純情嘅女仔，套劇係愛情片，但會好感人。」
逗留內地數月
雖然Marie拍戲經驗尚淺，但劇組對她十分有信心，而且Marie認為機會難逢，故決定一試。Marie將於三月出發到上海及蘇杭拍攝，逗留數月，問到會否怕當地食住不習慣，她說：「總要有犧牲，對食住唔係太擔心。（拍劇好辛苦。）最緊要辛苦得嚟個成果係值得。（男友薛嘉麟有冇投訴？）佢唔會干涉我嘅工作，最緊要安全。」
文：名人組
服裝：Kookai 場地：Xenter