甄子丹驚青示弱似番個人

陳可辛繼四年前《投名狀》後重執導演筒之作品，他對片中三大主角均有不同看法，更重申此片是非一般武俠片：「《武俠》除咗要改變武俠，更要改造甄子丹、金城武同埋湯唯，而片中所有武術紋路都係合乎情理嘅。」

陳可辛認為甄子丹的英雄形象過於「神化」：「佢只係一個人，唔係神，但佢所演嘅角色都好似唔會輸、唔會死咁，但其實每個角色都應該有佢嘅弱點。而喺呢部戲度，我終於睇到佢都有驚嘅時候，終於似番個『人』。」

金城武接拍武俠片，目標是打敗自己。

湯唯開拍時似一張白紙，任由導演上色。

破例三用金城武

而金城武就打破了陳可辛所採用的男主角「不過二」的原則：「除咗佢，我從來冇用同一個男角多過兩部戲，因為我想拍多啲唔同感覺嘅演員。佢願意畀我幫佢打敗『金城武』，而成個過程只係用咗六日，佢就明白點樣去打破自己。」

至於女主角湯唯，陳可辛終於確認了她的「地位」：「佢遲出道，拍嘅戲又唔多，所以喺佢身上少咗幾分造作，多咗幾分靈氣。對我嚟講，開拍時佢都仲係一張白紙，但到殺青時佢已經好似有啲中國山水畫嘅味道咁。」

文：影視組