陳豪麥包變人肉布景板
昨晚雖然一眾花旦輪流晒身材，但依然不敵多位小生的魅力，當中以視帝陳豪、黎耀祥及人氣急升的麥長青（麥包）最受歡迎，三人甫出場即被重重包圍！陳豪更恍如米奇老鼠，吸引長長人龍要求與他合照，他又獲排位站於阿姐身旁，更打頭陣出場sell客，盡顯地位威到爆！對於被讚「冧客有道」，陳豪只懂尷尬傻笑，問到為何裝扮如此密實？他說：「啲占士邦毛（指胸毛）勁得滯呀！（明年得兩套劇？）其實一路都有拍好多o架！」
至於在新劇中奸到出汁的麥包，以「非凡哥」造型出場，除吸引廣告客戶包圍外，連TVB的副行政主席梁乃鵬也要求合照，並說：「唔好做咁多衰人喇！」升呢的麥包大感開心，並笑說：「佢哋讚我靚仔，真係冇taste！」
