陳法拉騷珠寶性感下一波
陳法拉、楊怡與關菊英昨晚齊齊佩戴英皇珠寶出席TVB節目巡禮，法拉佩戴近300萬鑽飾，楊怡則佩戴250萬鑽飾，但都不及戴了300多萬鑽飾、身穿低胸吊帶晚裝大騷quali的關菊英搶鏡！
問法拉何以不性感上陣？她笑言：「仲有台慶同頒獎禮，一波波嚟！一陣會同好多客戶近距離接觸，安全啲好。（出年有兩套劇？）貴精不貴多，出年我仲要出唱片同拍電影。」
在節目巡禮上法拉獲安排上台講述自己的入行經歷，之後，主持王祖藍與鄭裕玲則拿法拉與Neway太子爺薛世恒的戀事來開玩笑，祖藍笑指法拉人生有「new way」，鄭裕玲則「食住上」直接問法拉鍾唔鍾意「new way」？令法拉不懂招架，只好尷尬地回應：「好鍾意。」
