諸葛：男友着得開心！
模特兒諸葛梓岐（Marie）與男友薛嘉麟向來甜蜜蜜，昨日她出席時裝騷時大晒幸福，透露男友對她言聽計從，為氹她甘願穿上Marie最愛的麵包超人卡通情侶T恤，二人還計劃訂婚，認真甜到漏。
昨日中港台模特兒齊集為「Columbia：Omni Heat超凡保暖系統發佈會」行騷，分別有港模諸葛梓岐、有「翻版曾愷玹」之稱的台模宋紀妍以及首位為「全日空」航空拍廣告的中國模特兒張雨薇，同場還有郭富城以及Columbia高層譚麗文。
Marie自認怕凍，她在加拿大生活時，室內有暖氣，但香港則沒有暖氣設備，故她一到冬天就會離港避寒，她開心地說：「我今年聖誕同元旦都會離開香港去旅行，同男友一齊去。（男友係人肉暖包？）都係，都有道理。」
計劃先訂婚
其後，Marie識做地表示要買品牌的大衣，與男友組成情侶裝，問她有否試過與男友穿情侶裝？她笑言：「有，我哋一齊着麵包超人嘅T恤。（你逼佢？）我只可以話佢着上身好開心，而我覺得睇落好順眼。佢覺得我着衫好靚，非常信得過我嘅衣着品味。（佢係咪聽晒你話？）我煮嘅嘢佢又會食，叫佢着嘅衫又會着，不過佢都好有主見。」
提到結婚大事，Marie澄清不會在短期內發生，因為她下年工作已排得密麻麻，但承認會先訂婚，她說：「呢個計劃中。（會唔會大搞？）唔會，兩個人一齊開心就得。（咁訂婚戒指呢？）有啲嘢係一定要有，係心意囉！」
咪冷親小美
另外，郭富城在台上，被司儀問到會送品牌的女裝給誰？他即答會送給經理人小美，問城城為何不送給女友熊黛林（Lynn）時？他解釋：「小美會同我去北京拍戲，當地好凍，如果佢病咗，邊個幫我傾合約。（你再買畀Lynn？）冇問題。」他又稱不介意穿情侶裝，認為是情趣之一。
文：名人組