蔡楓華拒絕受訪爆粗執法
等待復出的蔡楓華日前不惜花費三百元到牙醫診所洗牙，只見當日他的行為舉止仍然相當怪異，被記者上前追訪時，更化身警察，情緒失控地說：「我依家要拘捕你！」
蔡楓華曾因為一句「一剎那光輝唔代表永恒」而令事業直插谷底，消失於幕前一段時間。直至早前以經典主持人身份亮相《勁歌》，才回歸娛樂圈。日前，他為求一擊即中，重拾當年「紅唇王子」的美譽，日前再花三百大元洗靚棚牙密謀復出。
街頭立正
當日所見，明顯經過悉心打扮的蔡楓華，精神奕奕從寓所步出到附近的茶檔歎茶，及後便乘小巴到元朗洗牙。期間見他甫下車便到鄰近的小食店買豆漿及粢飯醫肚，兩餐只不過相差一小時，昔日的樂壇王子認真開胃。未幾，他先後到銀行及元朗政府合署辦理私人事務。從銀行步出後的他，行為舉止變得愈來愈奇怪，不但o靚模上身在街上突然嘴扁扁扮可愛、口擘擘自言自語、立正街頭半小時不動，更動作多多於街上的鏡前左照右照擺Pose，嚇窒途人！猶如十日無飯落肚的他更於洗牙前，再急步到附近的麥當勞買快餐，三小時內連吃三餐，胃口認真大得驚人！
突然失控
正當他返抵寓所之際，有兩名周刊記者欲上前採訪，他更突然情緒失控爆粗鬧記者：「我×你××呀！（唔好講粗口，我好有禮貌嘅，只係想同你傾偈，最近忙咩吖？）冇事忙，做吓電台訪問。（即係忙啦！）×你××，我依家好×興！（咁樣有失斯文吖！）你係咪斯文人吖×街……×人××又唔係犯法，鍾意咪郁×我囉，你衝入民居做咩？我依家要拉你！（報警啦咁。）我要直接拘捕你，唔使報警。（有冇信心復出吖？）完全無信心！（你唔同人傾啫！）冇人同我傾。」粗口一輪後，他即趕記者離去，然後急急返回寓所。
文、攝：追蹤組