伊健病得興奮極速失聲

伊健壓軸出場頓時讓全場觀眾情緒熱爆，尤其演唱當年「蠱惑仔」歌曲《友情歲月》反應更為熱烈，高漲氣氛令不擅跳舞的伊健亦「舞王」上身，唱到快歌《極速》時他更叫台下觀眾：「一齊擺啦！」隨即來個自轉360度，台風十足，之後卻即時聲沙兼喘氣，唱完《極速》便「極速失聲」，他自爆：「其實我病得好嚴重。」之後伊健再與阿Kay及其他歌手大合唱愈唱愈細聲，險近失聲。

側田憑歌氹女友

至於阿Kay在台上首次與伊健合唱，原來她一直視伊健為偶像，她坦言綵排時緊張得背着伊健不敢直視他。問到老公張繼聰會否呷醋？她笑言：「佢都好鍾意伊健，佢仲叫我幫佢嗌佢一聲『大佬』添。」

另外，側田在音樂會憑歌向韓籍女友示愛，演唱新歌《Saranghae》（韓文解作：我愛你），更自爆與女友鬧交：「打長途電話鬧交好辛苦，佢冚咗線，你想還擊都唔得，打畀佢十次都飛咗佢留言信箱。」他又稱會將片段send給女友看。

謝安琪（左起）、伊健和側田愈唱愈合拍。	謝安琪與側田在台上邊舞邊唱。	有份演出的林奕匡（左起）、馮曦妤與伊健等為演唱會慶功。

個唱唔怕撼阿菲

事後，伊健表示重感冒很嚴重，綵排時都有留力，更笑言：「預咗把聲『瓜』。」提到伊健明年三月紅館開騷，與同月在亞洲國際博覽館開唱的王菲對撼，他說：「冇咁橋啩，係都冇所謂，嗰時啱啱過咗新年，大家都有利是錢買飛睇。」

此外，Kay早前遠赴韓國拍攝《同伊》港版主題曲MV，拍攝當日氣溫只有攝氏十度，但她要穿上薄薄的傳統宮廷韓服拍攝，雖冷得騰騰震，但仍大感興奮。

文：音樂組